मराठा आरक्षणाच्या आंदोलनातून सुरू झालेल्या संघर्षाचे परिणाम आता तरुणांच्या आयुष्यात दिसू लागल्याचे उदाहरण धाराशिव जिल्ह्यात पाहायला मिळाले आहे. खेड (धाराशिव) येथील राम गरड यांची कुणबी प्रवर्गातून पोलीस उपनिरीक्षक (PSI) पदावर निवड झाली आहे.
या यशाबद्दल संघर्षयोध्दा Manoj Jarange Patil यांनी राम गरड यांचा सत्कार करून पुढील वाटचालीस शुभेच्छा दिल्या. यावेळी उपस्थितांनी त्यांचे अभिनंदन करत पुढील सेवेसाठी शुभेच्छा दिल्या.
राम गरड यांच्या निवडीमुळे परिसरात आनंदाचे वातावरण निर्माण झाले आहे. ग्रामीण भागातील तरुणांसाठी ही निवड प्रेरणादायी ठरत असल्याचेही अनेकांनी सांगितले.
मराठा समाजाच्या आरक्षणासाठी सुरू असलेल्या आंदोलनामुळे अनेक तरुणांना शासकीय सेवेत संधी मिळत असल्याची भावना व्यक्त करण्यात येत आहे. या पार्श्वभूमीवर राम गरड यांची PSI पदावर झालेली निवड महत्त्वाची मानली जात आहे.
